شوفة من شويات زمان كلمات الزجال محمد زرواني
- شوفة من شويفات زمان
- فقت ليوم الصباح ما عرفتنيش
- ؤ انا نتفكر واحد النهار كنت صغير
- اتفكرت ملي قريت في لمسيد
- وأيام السبورة والطباشير
- وتفكر شحال من صاحب كان عندي
- وشحال من صديق وكثيرهم هرب
- فوقت الضيق
- ؤ تفكرت ملي كان التلميد بالطابلية
- يا حسرة كيف كان المعليم
- إاااااايه على هاد الزمان لخبيث
- عاد كلشي امبدل والحال عاد غريب
- يا راسي الوقت اتبدل وانت باقي قديم
- ما بقيتي تعرف لا قريب ولا بعيد
- لا عيد لا يوم جديد هربو لصحاب
- بقيت فريد
- النوضة ناضت وانت غارق ف دهليز
- سعدات من عندو الخاطر ما يعرف ضيق
- هاد الزمان زمان السراريح ؤ لمناطيح
- أما أنا ... فمي داوي والقلب سميح
- نبقى ف لحروف نحصد ؤ بالليل ف مكاني نطيح.
- بقلم الشاعر الزجال : محمد زرواني
Commentaires
Enregistrer un commentaire