يا ظريف الطول..كلمات ياسين مصطفى بكري
- *** يا ظريف الطول...من تراثنا ***
- يا ظَريف الطول وَقِف تقلك
- رايِح عالغُربة وبلادَك أحسَنلَك
- خايف يا مَحبوب تروح وتِتمَلَك
- وتعاشِر الغير وتِنساني انا
- **********
- يا ظريف الطول بَحِبك أنا
- سَرَقِت قَلبي وجِبتلي الهَنا
- ما بَدي تسافر وتتركني هنا
- بحبك من زمان عَهد الوَلدنا
- **********
- يا ظريف الطول عم نسهر سوى
- قلبي بحبَك وقَلبك شو هوى
- كُنت مَرضانة وجبتِلي الدوا
- عإيدك شفيت بقُدرِت ربنا
- **********
- يا ظريف الطول عاشق لَقَلبي
- كل ما طيفَك راح عِندي بهَدي
- ارجَع لَعِندي ولا تِنسى حُبي
- اشتَقتِلك كثير شو ذنبي انا
- **********
- يا ظريف الطول عا نَبعة المي
- شعراتَك حلوات وعيونك الضي
- قَلبي بحبك وعِشقي ماله زي
- تعال لعنا وأطلب ايدي أنا
- **********
- يا ظريف الطول سكَنت الحارة
- كل ما تروح وتيجي تعطي اشارة
- صارت العيشة كلها شطارة
- بدي تظَلَك هون ساكن جَنبنا
- **********
- تحياتي..ياسين مصطفى بكري....
Commentaires
Enregistrer un commentaire